MARS NHKBP 2
St. Drs. J. Malau
Naposobulung HKBP marsada roha be ma hita sudena
Tongtong ma hita masiurupan mangula siulaon dihurianta
Angka na denggan ma taulahon unang be sai tarlalap dianganangan
Ta hangoluhon hata ni Debatanta bohal ni partondion na hot tongtong
Naposobulung HKBP tongtong ma sauduran hita sudena
Denggan marsaor tu Debatanta jala tahaholongi donganta jolma
Ringgas ma hita tu parmingguan unang adong na tading di tongan dalan
Tabaritahon hata ni Debatanta i do arta na arga na hot tongtong
Masiaminaminan songon lampak ni gaol
Masi tungkoltungkolan songon suhat di robean
Sai masi haholongan jala masiurupan
Tongtong ma hita masitangiangan
Sai Debata ma na tongtong mangaramoti hita be
Sude ruas ni huria HKBP
Nang haporseaonta be sai lam tu gamdana ma
Lam marsangap ma Tuhanta Debata.
Marende ma, marsurak ma, marlas ni roha ma,
Sai marsada, mardame, masihaholongan ma.
Ai i do sitiruan ni dok ni Tuhanta i,
Sai tapuji taolophon denggan basaNa i.
Haleluya! Sai lam maju ma
Naposobulung ni HKBP
Denggan ta baen hurianta da,
Pasangaphon Debata. Label: Gemende