MARTITI BE DO
JCIP. St.
Martiti be do na di portibion tahe,
So ada na manongtong sahat ro di ujung na
Ai ingkon salpu do sogot langit, tano on,
Rap dohot pangisina marujung do sudena.
Marembasembas do idaon angka na masa i
Sipata tangis jala sipata do mengkel
Sipata ro arsak ni roha, sipata las ni roha
Paboa martiti be do sude.
Saluhut na i martiti be.
Holan Debata do na manongtong
ro di saleleng ni leleng na
Na tau pangapul di na marsak roha
na pangoluhon dagingta nang tondinta
Anggo tano on parsatongkinan do,
ai luhut do martiti be tahe,
Asa unang pola longang be rohanta
Molo lam tu tambana ragam ni na masa diportibion tahe.
Holan asi ni rohaNa,
ro di saleleng ni leleng na.
Sai di ramoti do tongtong ngolunta
sai di parmahani ibana do langkanta
Sahat tu inganan na manongtong i
ai tu si do sudena hita be.
Asa unang pola longang be rohanta
Molo lam tu tambana ragam ni na masa diportibion tahe.
Ai holan satongkin do i,
Ai holan sangombas do i
Martiti be do sude. Label: Mannen